सरकारले लागू गरेको ‘विलासिता कर’ र १३ प्रतिशत मूल्य अभिवृद्धि कर (भ्याट) को विरोधमा रहेका सुनचाँदी व्यवसायीहरूले धरानमा आयोजित एक कार्यक्रममा समेत खुलेर असन्तुष्टि पोखेका छन् । नेपाल सुनचाँदी कला व्यवसायी संघले आयोजना गरेको सम्पत्ति शुद्धिकरण निवारण ऐन, विलासिता शुल्क तथा लेखा परीक्षणसम्बन्धी प्रशिक्षण कार्यक्रममै व्यवसायीहरूले सरकारको कर नीतिको कडा आलोचना गरेका हुन् ।
गत जेठ ३० गते सुनसरी सुनचाँदी व्यवसायी संघ, नेपाल सुनचाँदी कला व्यवसायी संघ, सुनसरी र सुनसरी रत्न तथा आभूषण संघको संयुक्त आयोजनामा अनावश्यक कर खारेज गर, सुनचाँदी व्यवसायी एक हौं र उपभोक्ता मार्न पाइँदैन जस्ता नारासहित व्यवसायीहरूले इलाका प्रशासन कार्यालय धरानमा ज्ञापनपत्र बुझाएका थिए । त्यसयता विभिन्न कार्यक्रममार्फत उनीहरू निरन्तर विरोध जनाउँदै आएका छन् ।
सोमबार सम्पन्न प्रशिक्षण कार्यक्रममा बोल्दै संघका सुनसरी अध्यक्ष प्रदीप गहतराजले सुनको मूल्य आकासिँदा व्यवसायी मालामाल भएको भ्रम सरकारमा रहेको टिप्पणी गर्नुभयो । बाहिरबाट हेर्दा व्यवसाय फस्टाएको जस्तो देखिए पनि वास्तविकतामा सुनचाँदी व्यवसाय धरासायी अवस्थामा पुगेको उहाँको भनाई थियो । विलासिता कर र भ्याटका कारण धेरै व्यवसायी व्यवसाय बन्द गर्ने अवस्थामा पुगेको तथा व्यवसायीमाथि चन्दा आतंक समेत बढ्दै गएको उहाँको गुनासो थियो ।
कार्यक्रमका प्रमुख अतिथि संघका केन्द्रीय अध्यक्ष तथा राष्ट्रिय सभा सदस्य घनश्याम रिजालले व्यवसायीका समस्या गम्भीर रहेको उल्लेख गर्दै कर नीतिमा पुनरावलोकन आवश्यक भएको धारणा राख्नुभयो ।
यस्तै, सुनसरी उद्योग वाणिज्य संघका अध्यक्ष गोपाल श्रेष्ठले अप्ठेरो परिस्थितिमा सबै व्यवसायी एकजुट हुनुपर्नेमा जोड दिनुभयो । व्यवसायिक हितका लागि सुनसरी उद्योग वाणिज्य संघ सधैं व्यवसायीको साथमा रहेको उहाँको भनाइ थियो ।
प्रशिक्षण कार्यक्रममा आन्तरिक राजस्व कार्यालय धरानका कर अधिकृत रविनलाल दास र सिर्जन भण्डारीले सम्पत्ति शुद्धिकरण ऐन, कर दायित्व, विलासिता शुल्क र लेखा परीक्षणसम्बन्धी विषयमा सहजीकरण गर्नुभएको थियो ।
कार्यक्रममा संघका केन्द्रीय महासचिव बालकुमार लामिछाने, केन्द्रीय सचिव प्रेमबहादुर विश्वकर्मी, केन्द्रीय कार्यकारिणी निर्देशक हरि रसाइली, सुनसरी शाखाका निवर्तमान अध्यक्ष दुर्गा बहादुर विश्वकर्मासहित धनकुटा, झापा र तेह्रथुमका पदाधिकारी तथा सुनचाँदी व्यवसायीहरूको उल्लेख्य उपस्थिति रहेको थियो ।
व्यवसायीहरूले यो प्रशिक्षण व्यावसायिक हित र कानुनी सचेतनाका लागि महत्वपूर्ण भएको बताउँदै, सरकारले कर नीतिमा सुधार नगरे संघर्षका कार्यक्रम अझ सशक्त बनाउँदै लैजाने संकेत दिएका छन् ।
गत जेठ ३० गते सुनसरी सुनचाँदी व्यवसायी संघ, नेपाल सुनचाँदी कला व्यवसायी संघ, सुनसरी र सुनसरी रत्न तथा आभूषण संघको संयुक्त आयोजनामा अनावश्यक कर खारेज गर, सुनचाँदी व्यवसायी एक हौं र उपभोक्ता मार्न पाइँदैन जस्ता नारासहित व्यवसायीहरूले इलाका प्रशासन कार्यालय धरानमा ज्ञापनपत्र बुझाएका थिए । त्यसयता विभिन्न कार्यक्रममार्फत उनीहरू निरन्तर विरोध जनाउँदै आएका छन् ।
सोमबार सम्पन्न प्रशिक्षण कार्यक्रममा बोल्दै संघका सुनसरी अध्यक्ष प्रदीप गहतराजले सुनको मूल्य आकासिँदा व्यवसायी मालामाल भएको भ्रम सरकारमा रहेको टिप्पणी गर्नुभयो । बाहिरबाट हेर्दा व्यवसाय फस्टाएको जस्तो देखिए पनि वास्तविकतामा सुनचाँदी व्यवसाय धरासायी अवस्थामा पुगेको उहाँको भनाई थियो । विलासिता कर र भ्याटका कारण धेरै व्यवसायी व्यवसाय बन्द गर्ने अवस्थामा पुगेको तथा व्यवसायीमाथि चन्दा आतंक समेत बढ्दै गएको उहाँको गुनासो थियो ।
कार्यक्रमका प्रमुख अतिथि संघका केन्द्रीय अध्यक्ष तथा राष्ट्रिय सभा सदस्य घनश्याम रिजालले व्यवसायीका समस्या गम्भीर रहेको उल्लेख गर्दै कर नीतिमा पुनरावलोकन आवश्यक भएको धारणा राख्नुभयो ।
यस्तै, सुनसरी उद्योग वाणिज्य संघका अध्यक्ष गोपाल श्रेष्ठले अप्ठेरो परिस्थितिमा सबै व्यवसायी एकजुट हुनुपर्नेमा जोड दिनुभयो । व्यवसायिक हितका लागि सुनसरी उद्योग वाणिज्य संघ सधैं व्यवसायीको साथमा रहेको उहाँको भनाइ थियो ।
प्रशिक्षण कार्यक्रममा आन्तरिक राजस्व कार्यालय धरानका कर अधिकृत रविनलाल दास र सिर्जन भण्डारीले सम्पत्ति शुद्धिकरण ऐन, कर दायित्व, विलासिता शुल्क र लेखा परीक्षणसम्बन्धी विषयमा सहजीकरण गर्नुभएको थियो ।
कार्यक्रममा संघका केन्द्रीय महासचिव बालकुमार लामिछाने, केन्द्रीय सचिव प्रेमबहादुर विश्वकर्मी, केन्द्रीय कार्यकारिणी निर्देशक हरि रसाइली, सुनसरी शाखाका निवर्तमान अध्यक्ष दुर्गा बहादुर विश्वकर्मासहित धनकुटा, झापा र तेह्रथुमका पदाधिकारी तथा सुनचाँदी व्यवसायीहरूको उल्लेख्य उपस्थिति रहेको थियो ।
व्यवसायीहरूले यो प्रशिक्षण व्यावसायिक हित र कानुनी सचेतनाका लागि महत्वपूर्ण भएको बताउँदै, सरकारले कर नीतिमा सुधार नगरे संघर्षका कार्यक्रम अझ सशक्त बनाउँदै लैजाने संकेत दिएका छन् ।
प्रतिक्रियाहरू (0)
प्रतिक्रिया दिन कृपया लगइन गर्नुहोस्।